پہلگام واقعے کے بعد بھارتی سکیورٹی نظام پر سوالات، حکام جواب دینے سے قاصر

 اسلام آباد( اباسین خبر) پہلگام میں پیش آنے والے واقعے کے بعد بھارت میں سکیورٹی اور انٹیلی جنس اداروں کی کارکردگی پر متعدد سوالات اٹھائے جا رہے ہیں، جبکہ بھارتی حکام کی جانب سے تاحال مکمل وضاحت سامنے نہیں آ سکی۔رپورٹس کے مطابق واقعے کے بعد بھارت کی سیاسی و عوامی حلقوں میں سکیورٹی انتظامات اور ممکنہ غفلت کے حوالے سے بحث جاری ہے، اور مختلف جماعتوں کی جانب سے بھی اس معاملے کی شفاف تحقیقات کا مطالبہ کیا جا رہا ہے۔بھارتی میڈیا کے بعض حصوں اور مبصرین نے بھی اس واقعے کے مختلف پہلوؤں پر سوالات اٹھائے ہیں، جبکہ حکومت کی جانب سے ان سوالات کے جوابات تاحال واضح طور پر سامنے نہیں آئے۔رپورٹ میں کہا گیا ہے کہ خطے میں موجود سکیورٹی صورتحال اور حالیہ واقعات کے تناظر میں بھارتی حکام پر مزید دباؤ بڑھ رہا ہے کہ وہ واقعے کی مکمل تفصیلات عوام کے سامنے لائیں۔مختلف سیاسی اور سماجی حلقوں کا کہنا ہے کہ ایسے واقعات کے بعد سکیورٹی نظام کی مجموعی کارکردگی پر نظرثانی کی ضرورت ہوتی ہے تاکہ مستقبل میں ایسے حالات سے بچا جا سکے۔